Léleg byrjun

 

Mér finnst það léleg byrjun á þingmannastarfinu, að geta ekki farið til messu með félögum sínum.

Burtséð frá trú eða ekki trú. Þetta snýst um að eiga eina stund með nýjum ...verðandi vinnufélögum, svona áður en slagurinn er tekinn á Alþingi.

 

Ég varð fyrir vonbrigðum með þetta fólk.

Og ef satt skal segja læddist að mér ákveðinn beygur gagnvart þeim.......

Óþarfi að blanda Guði inn í þinghaldið

Athugasemdir

[Gústaf Gústafsson, 15.5.2009 kl. 21:28]

Hvað myndirðu segja ef þeir færu í mosku og hittu félaga sína þar og hlustuðu á einhver Iatolla boða sinn boðskap?

Þetta kemur trúmálum alfarið við, en kemur því ekkert við að hitta vinnufélaga. Þetta er fáránleg röksemd. Þótt ég sé í þjóðkirkjunni sé ég þetta greinilega.

kveðja að vestan.

[Hildur Helga Sigurðardóttir, 15.5.2009 kl. 21:29]

Þetta var eiginlega algjör óþarfi.

[Sigurður Grétar Guðmundsson, 15.5.2009 kl. 21:34]

Er ekki trúfrelsi í okkar ágæta landi? Nei langt frá því, þar yfirgnæfir Þjóðkirkjan allt. Það er fyrir löngu augljóst ofbeldi af Þjóðkirkjunnar hálfu að pína þingmenn fyrir hverja þingsetningu að ganga löturhægt út í Dómkirkju til að hlusta á mismunandi leiðinlega presta. Hversvegna eiga þá ekki allar trúarskoðanir og kirkjudeildir að eiga rétt á að kalla alla þingmenn til sín, Ásatrúarmenn, Íslamistar, Búddatrúarfólk, Kaþólikkar auk allra sértrúarsafnaða?

Ég dáist að þessum þingmönnum sem neituðu að sitja undir trúarrugli í Dómkirkjunni, því miður voru þeir allt of fáir.

[Katrín Snæhólm Baldursdóttir, 15.5.2009 kl. 22:01]

Læddist að þér ákveðinn beygur?

Hmmm hefurðu ekkert verið hrædd við stjórnmálamennina sem fara alltaf til messunnar en hafa samt svikið þjóð sína og land?

Mér finnst það gott að þessi umræða er komin upp...nú skil ég betur hvernig óttinn hefur lamað suma sem þetta land byggja.

[Guðrún Sæmundsdóttir, 15.5.2009 kl. 22:57]

Sammála þér Ingunn. Það er nógu mikil óvissa og óreiða í öllu, við eigum ekki að brjóta niður góða siði og siðferði á erfiðum tímum.

[Sigurður Hrellir, 16.5.2009 kl. 00:14]

Ég er einstaklega stoltur af þessu fólki sem ég kaus sem fulltrúa mína á Alþingi og er þess fullviss að þau muni ekki brjóta 48. gr. stjórnarskrárinnar líkt og flestir flokksdindlar gera ítrekað án þess að blikka auga.

[Svanur Sigurbjörnsson, 16.5.2009 kl. 03:21]

Sæl

"lélegt að geta ekki farið í messu með félögum sínum".  Þú lætur þetta hljóma eins og ekkert sé sjálfsagðara en að fara í messu og að það sé óumdeilanlega gott fyrir vináttu á meðal þingmanna eða eitthvað í þá áttina. 

 Geturðu ekki ímyndað þér að það er ekki sérlega sameinandi að velja það að koma saman í húsi félags sem boðar ákveðna trú sem vitað er að ekki nærri allir þingmenn aðhyllast.  Er það göfugt að fara samt og láta misbjóða sér? já sumum er misboðið að hlusta á tal fullorðins fólks um upprisur, heilaga anda, eingetin ofurmenni sem deyji svokölluðum píslardauða (fórnardauða) en lifi samt fínu lífi við hlið þess ofurmennis á himnum sem gat hann með hreinni mey rúmlega 30 árum áður og planlagði þetta allt saman hvort eð var.  Þetta misbýður skynsemi ýmsra og því getur það vart talist efnileg hefð að biðja alla þingmenn að hlusta á slíkt ár eftir ár.  Kirkja er ekki samkvæmissalur þar sem fólk kemur inn á eigin forsendum og þarf ekki að sitja undir boðun yfirskilvitlegra hluta.  Kirkja er langt frá því að vera hlutlaust land. 

[Davíð Þór Þorsteinsson, 17.5.2009 kl. 18:22]

Já þvílík stund með vinum fyrir trúleysingja að hanga í kirkju að hlusta á einhvern prest tala um eitthvað sem honum finnst vera eintóm þvæla.

Fannst mér bara gott hjá þeim að vera úti í góða veðrinu.

[Guðrún Sæmundsdóttir, 17.5.2009 kl. 19:40]

Guð blessi Ísland og íslenska þjóð

[Baldur Blöndal, 18.5.2009 kl. 01:16]

Múhammed blessi Ísland og íslenska þjóð

[Anna , 19.5.2009 kl. 09:56]

Ég helt að almenningur og þingmenn væru hættir að fara í kirkju. En svo eru hefðir í landinu. Á að halda í þær eða sleppa þeim. Það er spurningin. Hann gat nú alveg farið með og beðið fyrir þjóðinni. Enn hann gerði það eflaust út í sólinni.